”Odiseja” së bashku me “Iliadën” janë veprat më të njohura të Homerit. Shkrimari ka jetuar në shekullin e 8 p.e.s, por fjalët e tij janë bartur nga gjenerata në gjeneratë që sot ti lexojmë në formë të shtypur ose digjitale, të përkthyera në qindra gjuhë botërore.
Epi është paraqitur si këngë tradicionale që është ritreguar dhe bartur gojarisht. Pikërisht për këtë, versioni i ngjarjes që lexojmë sot është i ndryshëm nga origjinali. Dëshmi për këtë mund të jetë një copë letër e ekspozuar në muzeun Metropolitan në Njujork. Bëhet fjalë për papirus ku janë të shkruara disa vargje nga Odiseja dhe besohet që është shkruar nga viti 285 – 250 p.e.s. Ky është versioni më i hershëm i Odisejës i gjetur deri më tani.
Teksti dallohet pak nga teksti që lexojmë sot. Gjegjësisht, në atë papirus janë edhe tre rreshta që nuk janë të përfshira në versionin e sotshëm. Muzeu e ruan tekstin e vlefshëm që nga viti 1909.
