Dëshmitari kyç në gjyqin ndaj Kastriot Ismailajt, ka marrë kërcënime ndaj edhe policia i ka vendosur eskortë.
Drejtori juridik i OSHEE, Romeo Karaj është marrë në mbrojtje nga policia e shtetit dhe shkak për këtë ka qenë ka qenë një kërcënim që atij i është bërë me telefon nga një person që është prezantuar si i dënuar me burg përjetë.
Karaj ishte sot dëshmitar i thirrur në seancën e radhës në Gjykatën e Tiranes tek gjyqi ndaj Kastriot Ismailajt, i akuzuar për përvetësim të padrejtë të 5 milion eurove nga dy kontrata fiktive me OSHEE për mbledhjen e borxheve.
Seanca e sotme u shty pasi biznesmeni Ismailaj pretendoi se nuk dëgjonte mirë seancën për shkak të xhamave të rinj të vendosur në gjykatë në këndet e të pandehurve.
Në hyrje e dalje të gjykatës, drejtori i OSHEE Karaj ishte në ruajtje nga 3 efektiva të forcave speciale të policisë.
ZBARDHET TELEFONATA
Telefonata kërcënuese ka qenë që të mos merrej më me çështjen e Kastriot Ismailajt pasi Karaj kishte ndjekur gjyqin e kompanisë së biznesmenit te hapur ndaj Shqiperise në Arbitrazh.
Pas marrjes ne mbrojtje te zyrtarit ka nisur hetimi per kanosje per shkak të detyrës ndaj tij./panorama/a.k
