Zbulimi i pistës së improvizuar për uljen e avionëve në gryk derdhjen e lumit Ishëm në fshatin Gotull ka vënë në lëvizje prokurorinë për të hetuar se si u krijua kjo pistë dhe kur?
Report Tv sjell për herë të parë pamjet ekskluzive të sipërfaqes së tokës në këtë zonë ku siç dhe duket nga pamjet e gjithë sipërfaqja ka qenë e mbuluar me shkurre e ferra dhe tokë e papunuar siç janë parcelat afër saj.
Ajo çka kuptohet nga këto pamje krahasuar me pamjet e një dite më parë është se kjo pistë nuk u bë për 3 ditë apo për 1 javë pasi dhe sipërfaqja e saj është afro 1.5 km çka do kohë për tu sjell në gjendjen që ndodhet.
Kush i preu shkurret e ferrat në këtë zonë, me çfarë u punua, prej sa kohësh dhe kush qëndron pas improvizimit të kësaj piste?
Nga pamjet e siguruara nga Report Tv faktohet se pista është ndërtuar diku ditët e para të vitit 2016.
Piloti italian Guido Andrea Guidi ka thënë për hetuesit shqiptarë disa emra mes tyre shtetas italian e shtetas shqiptarë ndërsa prokuroria e cila heton prej 12 orë këtë ngjarje po përgatit urdhër arrestet e para.
Vetë Guidi është nën akuzë për shkelje të rregullave të fluturimit ajrorë ndërsa burime për Report Tv bëjnë me dije se atij i është ndaluar dalja nga Shqipëria deri në përfundim të hetimeve si dhe është kërkuar që ai të mbahet nën mbrojtjen e policisë.
(Pista e përshtatur për avionë në Ishëm)
