‘Shuplakat’ e Gjermanisë për bojkotin e PD, Berisha sulmon ministrin gjerman: Gabriel foli si socialist

 “Ministri gjerman Gabriel u tha gazetarëve se unë dhe Rama jemi socialiste. Gabriel foli si socialist, por edhe në emër të qeverisë gjermane. “PD nuk voton vettingun”, gënjeshtër e Ramës që është përvetësuar nga ndërkombëtarët.”, tha Berisha.

Berisha: Një ambasador i huaj bërtet nëpër korridore. Basha s’do bëhet kurrë kryeministër

Berisha hodhi akuza te forta ndaj nje ambasadori te huaj ne vendin tone. Sipas tij,  nje ambasador bertet ne korridore se Basha nuk behet kurre kryeminister.

“Dallimi është shumë i madh sepse deklarata e mbrëmshme thotë që qeveria i pranoi dhe me gatishmërinë e madhe për të akuzuar opozitën dhe Lulzim Bashën për të cilin bërtitën nëpër korridore se nuk do të bëhet kurrë kryeministër, një marrëzi primitive e të huajve. Ka ndonjë të huaj, ndonjë ambasador të huaj që e bën këtë, gjë e turpshme por harron që aty ka shumë veshë që e dëgjojnë me neveri një gjë të tillë“, tha Berisha.

***

A do të largohej Berisha po të ishte në vend të Ramës? Ja përgjigja e tij

Ish-kryeministri Berisha ka folur sot për “Tonight” të Ilva Tares për qëndrimin e PD-së në zgjedhjet e qershorit dhe se çfarë do të bënte Berisha në vend të Ramës. Berisha tha se po të ishte në vend të Ramës do të ishte larguar menjëherë.

“Për pjesëmarrjen në zgjedhje duhet të përgjigjet kryetari e saj. Por unë mund të them se do të vazhdojë betejën e saj për votën e lirë. Shoh që Edi Rama është i vendosur për të përvetësuar për të shkuar në zgjedhje pa opozitën. Çfarë do të bëja në vendin e Edi Ramës? Nuk do të bëja kurrë. Unë do të largohesha menjëherë. Në rastin e vitit 1997 unë u propozova një marrëveshje dhe ata nuk e pranuan, ndaj edhe nuk u largova vet.

Ish-kryeministri Berisha i ftuar në “Tonight” të Ilva Tares” tha ditën e sotme se kriza aktuale është me e rrezikshme se ajo e firmave piramidale dhe e vitit 1991.