Ministrja e Mbrojtjes Mimi Kodheli ndodhej për një vizitë dyditore në Gjermani me ftesë të homologes së saj, Ursula von der Leyen.
Mësohet se dreka në restorantin Rickmers Rickmers dhe vizita në qendrën Alsterhaus në Hamburg që përmend gazeta “Hamburger Morgenpost”, ishin pjesë e pritjes së organizuar nga pala gjermane, por eskorta e makinave të parkuara jashtë qendrës, u përdorën nga disa media online, me tituj të tipit, “Ministra Kodheli, shopping ne dyqanet Vip gjermane me 3 limuzina”.
Por e vërteta është ndryshe.
Mediave online, GazetaExpress, Newsbomb, Telegrafi, Panoramaonline, Droni,al, Dritare.net, etj, iu përgjigj në Twitter gazetari Vincent Triest, i cili shkruan: “Ministrja e Mbrojtjes Mimi Kodheli u akuzua sot gabimisht nga disa portale lajmesh në Shqipëri. Sipas artikullit, ministrja Kodheli ishte në një vizitë zyrtare dhe takoi atje një politikan të lartë gjerman të CDU”.
Ai më pas publikon një foto ku tregohen se aty ku thuhej se ishin parkuar “tri limuzinat e Kodhelit”, ishin dhe makinat e tjera të zyrtarëve gjermanë, plot pesë automjete.
BalkanWeb, u interesua rreth lajmit në portalet shqiptare dhe pyeti direkt ministren Kodheli. “Unë jam ekskortuar me programin e gjermanëve, dhe në zbatimin e programit nuk ka lëvizur as sekonda”, thotë Kodheli për BalkanWeb.
BW/d.i.