Është ndarë nga jeta në moshën 62-vjecare shefi i shërbimit Onkologjik, Agim Sallaku. Profesor Agim Sallaku është ndarë nga jeta në një spital në Turqi pas një sëmundje të rëndë të cilën nuk ka mundur dot ta mposhtë. Javanews i shpreh ngushellimet e saj me te sinqerta familjes se doktorit te ndjere.
Profili i mjekut te njohur:
Dr. Agim Sallaku, Prof.Asc., është lindur në Tiranë në vitin 1956. Shkollën 8-vjeçare dhe të mesme e ka ndjekur në këtë qytet ku edhe është diplomuar në Fakultetin e Mjekësisë, si mjek i përgjithshëm, në vitin 1981.
Në Dhjetor të po këtij viti u emërua mjek pranë Departamentit të Radioterapisë në Shërbimin e Onkologjisë. Formimin profesional e ka vijuar me ndjekjen e studimeve pas universitare duke i bashkëngjitur dhe mbrojtjen e gjuhëve të huaja sipas kërkesave të kohës.
Në vitin 1990 mori detyrën e Shefit të Departamentit të Radioterapisë dhe prej vitit 1992 e në vazhdim ka kryer një sërë kursesh specializimi në fushën e radioterapisë onkologjike në shtete të ndryshme.
Prof.Asc. Agim Sallaku mban gradën Doktor i Shkencave prej vitit 1997 dhe titullin Profesor i Asociuar (2009), ndërkohë është në proçes mbrojtjeje të titullit Profesor Doktor. Kontributi i tij është i njohur në lëmin e literaturës mjekësore shqiptare si autor dhe bashkautor i shumë librave dhe teksteve mësimore në fushën e onkologjisë për studentë, postuniversitarë dhe mjekë, si dhe shumë artikujve shkencore në revista lokale dhe të huaja apo referateve në vend dhe jashtë tij.
Dr. Agim Sallaku, Prof.Asc., është dekoruar me Çertifikatën e Mirënjohjes nga Ministria e Shëndetësisë me rastin e 100-Vjetorit të Pavarësisë dhe si një ndër figurat më aktive në fushën e onkologjisë shqiptare nën mbikqyrjen e tij janë organizuar mbi 40 Konferenca Shkencore.
Ndahet nga jeta edhe mjeku Arben Runa
Sot ishte një ditë e zezë për bluzat e bardha. Ditën e enjte u nda nga jeta edhe mjeku kirurg Arben Runa. Ai shërbente në Spitalin e Traumës.
Dr. Arben Runa, mjeku I njohur I spitalit ushtarak humbi një betejë dyvjecare me sëmundjen e tij në mushkeri.
