Christopher Lee ka ndërruar jetë në moshën 93- vjeçare. Aktori britanik, i cili u bë i njohur në rolin e drakulës, ka luajtur në më shumë se 250 filma.
Lee është bërë i njohur gjithashtu në role të tjera, duke përfshirë Scaramanga në The Man With a Golden Gun dhe rolin e magjistarit në The Lord of the Rings.
Bëhet e ditur se aktori ka ndërruar jetë të dielën në një spital në Londër, por siç raporton “The Telegraph”lajmi u mbajt sekret nga bashkëshortja e tij, në mënyrë që të mund të lajmëroheshin të gjithë familjarët.
Ai u shtrua në spital për shkak të problemeve me frymëmarrjen dhe një infarkti në zemër.
