Ekipet e ndërhyrjes së shpejtë kanë hequr dorë për të gjetur të mbijetuar në ndërtesën e shembur në Florida, ku humbën jetën 54 persona dhe 86 persona vijojnë të jenë të zhdukur.
Vendimi vjen rreth dy javë pasi ndërtesa 12-katëshe Champlain Towers South u shemb në mes të natës.
Asnjë i mbijetuar nuk është gjetur që nga shembja fillestare dhe ekipet e shpëtimit thonë se shumë viktima u gjetën në shtretërit e tyre.
Lajmi se misioni i shpëtimit po mbaronte erdhi gjatë një takimi privat të mërkurën, 7 korrik midis familjeve të të zhdukurve dhe Asistentit të Shefit të Zjarrit në Miami-Dade Raide Jadallah.
Kryebashkiaku i Surfside Charles Burkett më vonë tha në një konferencë për shtyp: “Lajmet e sotme janë jashtëzakonisht të vështira.
Ne të gjithë kemi punuar ditë e natë për dy javë për të shpëtuar jetë. Njoftimi sot vjen si rezultat i një konsensusi nga ata që janë më pranë përpjekjeve të shpëtimit se mundësia e dikujt ende gjallë është afër zeros. Dhe ndërsa duket se nuk ka asnjë shans për të gjetur jetë në rrënoja, një mrekulli është ende e mundur.”
Ekipet kishin punuar në ndërrime të vazhdueshme 12-orëshe dhe u ndihmuan nga ekipet nga Izraeli dhe Meksika.
Ekipet e shpëtimit kanë mbushur kova me beton me dorë, dhe i kanë kaluar ato poshtë një vije ndërsa heqin mbeturinat. Rrënojat po mbahen në një depo shtetërore për inspektim të mëtejshëm.
Misioni është ndalur disa herë, për shkak të paqëndrueshmërisë në tumën e rrënojave, si dhe Stuhisë Tropikale Elsa, e cila arriti në Florida të mërkurën.
Ndërkohë, një hetim i madh i jurisë ka nisur në përpjekje për të përcaktuar arsyen e shembjes së ndërtesës më 24 qershor, shkruan BBC.
g.kosovari
