Zgjatja e izolimit për shkak të koronavirusit po shton frikën e trazirave sociale në Itali, ndersa autoritetet paralajmërojnë se mafia po shfrytëzon pandeminë për të rifituar kontrollin ndaj banorëve.
Sipas “The Guardian” thuhet se mafia ka nisur të shpërndajë ndihma në ushqime për qytetarët pa para, gjatë gjendjes së emergjencës së koronavirusit.
“U bënë një muaj që dyqanet, kafet e restorantet janë mbyllur. Ka miliona njerëz që punojnë në zonën gri, mes të bardhës e të zezës dhe prej një muaji nuk kanë marrë asnjë të ardhur. Qeveria është duke lëshuar të ashtuquajtura kupona ushqimi por nëse ata nuk ndihmojnë shpejt këto familje në nevojë, ky shërbim do të kryhet nga mafia, duke vendosur kontrollin e tyre në jetën e njerëzve”, ka thënë Nicola Gratteri, hetues antimafia në prokurorinë e Catanzaro në Siçili.
Të njëjtin opinion ka ndarë edhe ministrja e brendshme Luciana Lamorgese.
‘‘Mafia mund të përfitojë nga rritja e varfërisë, duke ndërhyrë me rekrutime të njerëzve në organizmin e saj”.
/a.r
