Komisioni i Ekonomisë kishte parashikuar ditën e sotme shkarkimin e drejtoreshës së Autoritetit të Mbikëqyrjes Financiar, por një gjë e till nuk është bërë e mundur.
Partia Demokratike dhe LSI kanë bojkotuar mbledhjen e së hënës në ambientet e Kuvendit duke shtyrë kështu shkarkimin nga detyra të Enkelejda Shehit.
Bordi i AMF i ka kërkuar zyrtarisht Kuvendit shkarkimin e drejtoreshës ekzekutive. Shkresa është bërë publike nga kreu i Komisionit të Ekonomisë, Erjon Braçe.
Në kërkesën drejtuar Kuvendit janë listuar një sërë shkeljesh të Shehit. Sipas bordit, një shkelje e rëndësishme ka qenë edhe ajo e sjelljes joprofesionale apo moszbatimi i rezolutës së Kuvendit të Shqipërisë. /javanews/b.d
