Partia Demokratike padit në Gjykatën e Tiranës, për shpifje kryebashkiakun e Tiranës, Erion Veliaj.
Në padi thuhet se Veliaj, në cilësinë e drejtuesit të fushatës së Partisë Socialiste për Tiranën ka bërë tre akuza me synim dëmtimin e imazhit të kryetarit të Partisë Dmokratuike, Lulzim Basha.
– Kryetari i PD u bë me 4 shtëpi gjatë tërmetit dhe pandemisë
– Kryetari i PD ka përfituar gjatë periudhës së fatkeqësisë
– Kryetari i PD ka ndërtuar kate pa leje.
Më tej thuhet se këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është kryetar i PD në opozitë.
Po ashtu thuhet se Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS.
g.kosovari
