Ministri i Jashtëm gjerman deklaronte pak ditë më parë se tensionet mes Perëndimit dhe Rusisë janë akoma më të rrezikshme se Lufta e Ftohtë dhe lëvizjet e fundit të Moskës, duket se i japin të drejtë kryediplomatit të Berlinit.
Kremlini është vënë në lëvizje dhe në enklavën e vet në Balltik, Kaliningrad, arsenalit ushtarak i është shtuar edhe prania e raketave që janë në gjendje që të lëshojnë mbushje bërthamore.
Bëhet fjalë për raketat “Iskander”, që janë parë në bazat e ushtrisë në krahinën ruse që kufizohet me Poloninë dhe Lituaninë. Alarmi bëhet edhe më shqetësuar për rrezen e fluturimit të këtyre raketave, rreze që përfshin Berlinin, Varshavën dhe Kopenhagenin.
Zyrtarët polakë reaguan menjëherë për këtë duke e cilësuar si “kërcënimi më i madh për sigurinë e vendit të tyre” raporton tch.
Moska nuk ka konfirmuar, por as ka mohuar lëvizjen e këtyre raketave në Kaliningrad. Më herët, zyrtarët rusë deklaruan se janë duke shqyrtuar mundësinë për rihapjen e bazave raketore sovjetike në Kubë dhe Vietnam.
Kaliningradi është enkalvë ruse e aneksuar nga Gjermania në fund të Luftës së Dytë Botërore pas së cilës nisi një fushatë e ashpër spastrimi dhe sot praktikisht popullsia që e deklaron veten gjermanë nuk prek as 1 përqind të totalit./a.m.
