Duket se telashet nuk kanë fund për binesmenin italian Francesco Becchetti. Ditën e sotme atij i janë sekuestruar 9 makinat e televizionit në pronësi të tij “Agonset”.
Pronari i televizionit “Agonset”, Francesco Bechetti do përballet dhe me problemet me përmbarimin privat. Kompania përmbarimore “Kodra Bailiff Service”, ka lëshuar një vendim sekuestrimi për 9 automjetet e këtij televizioni, duke pezulluar plotësisht lëvizjet e administratës.
Shkresa i është dërguar Drejtorisë së Përgjithshme të Shërbimeve të Transportit Rrugor, me qëllim mos lejimin e tjetërsimit të këtyre automjeteve. Bëhet fjalë për automjetet me targë, AA 860 GF, AA859 GF, AA857 GF, AA 856 GF, AA 741 GH, AA 186 IN, AA 856 IN, AA 859 LH, AA 759 LH. Të gjitha këto automjete tashmë janë në masën e sekuestros konservative. Kjo masë sekuestro është bërë si pasojë e një borxhi financiar që ka Francesco Becchetti ndaj kompanisë “GSM Klimaire”.
Urdhër ekzekutimi kundër Bechettit kanë nxjerrë kompania “TBS96” e cila pretendon se Bechetti i ka një detyrim prej 35 mijë e 300 euro.
