Shtohen rastet e reja me Covid-19 dhe pacientët që kanë nevojë për trajtim në spital.
Gjashtë ditët e para të nëntorit të infektuarit aktiv në të gjithë vendin kanë kaluar 7800 persona ku Tirana vijon të jetë Qarku me numrin më të lartë të prekurve.
Më shumë se gjysma e personave me koronavirus aktualisht ndodhen në kryeqytet. Ndiqet nga Fieri, Shkodra dhe Durrësi.
Paralelisht me numrin e të prekurve janë shtuar dhe pacientët që kanë nevojë për trajtim spitalor. Aktualisht në dy spitalet Covid janë të shtruar 175 persona, 9 më shumë se para një jave, 16 prej të cilëve ndodhen në gjendje më të rëndë shëndetësore.
Ndërkohë gjashtë ditët e fundit koronavirusi sipas të dhënave të Ministrisë së Shëndetësisë ka shënuar dhe 19 humbje jete duke e çuar numrin e vdekjeve prej tij që nga fillimi I pandemisë në 2950.
TË INFEKTUAR AKTIV
Tiranë 4140
Fier 807
Shkodër 485
Durrës 453
PACIENTËT NË SPITAL
1 nëntor 166 të infektuar
6 nëntor 175 të infektuar
HUMBJE JETE
1 nëntor 2931
6 nëntor 2950
/b.h
