Me një rritje të stresit emocional, ekspertët mjekësorë thanë se ka pasur një rritje të sindromës të “zemrës së thyer” gjatë pandemisë.
E njohur gjithashtu si kardiomiopatia e stresit, sindroma e “zemrës së thyer” ka simptoma të ngjashme me një sulm në zemër, duke përfshirë djersitje, vjellje, probleme me frymëmarrjen dhe dhimbje në gjoks.
Sipas një studimi të ri, shifrat e individëve të prekur nga kjo sindromë u rritën në 7.8%, krahasuar me 1.7%, që ishin para Covid-19.
Kardiologu dhe autori kryesor i studimit, Ankur Kalra u shpreh: Pandemia Covid-19 ka sjellë nivele të larta stresi në jetën e njerëzve, në të gjithë botën. Njerëzit nuk shqetësohen vetëm për veten ose familjet e tyre, ata merren me çështje ekonomike dhe emocionale, problemet shoqërore, me vetminë dhe izolimin.
Ndërsa profesionistët nuk janë të sigurt për shkakun e saktë të sindromës së “zemrës së thyer”, por besohet se nxitet nga reagimi fizik i një personi ndaj ngjarjeve stresuese.
Në një rast të tillë, trupi mund të lëshojë hormonet e stresit, të cilat përkohësisht zvogëlojnë aftësinë e zemrës për të pompuar, duke shkaktuar çrregullime të ndryshme. Shoqata Amerikane e Zemrës thotë se gratë kanë më shumë mundësi se burrat, që të vuajnë nga sindroma e “zemrës së thyer”.
/a.r
