Grupmoshat e çifteve që divorcohen kanë pësuar një ndryshim. Sipas të dhënave që avokatja Anxhela Lami përmend në “Aldo Morning Show” në Tv Klan, përpara 2-3 viteve ishin të rinjtë ata që divorcoheshin më shumë, shpesh edhe për shkak të mungesës së tabuve që ka krahasuar me brezin e mëparshëm.
Por tani është vënë re një ndryshim sepse janë shtuar divorcet te çiftet që janë në moshat mbi 50 apo 60 vjeç. Avokatja shton se kryesisht janë çifte që nuk jetojnë bashkë prej vitesh, e madje sjell si shembull edhe një rast konkret mbi të cilin po punon aktualisht.
Anxhela Lami: Kam një çift që është mbi 60 vjeç dhe po divorcohet për shkak tradhtie por duhet të theksoj faktin që nuk jetojnë së bashku prej më shumë se 10 vitesh dhe arsyeja pse nuk janë divorcuar është mentaliteti. Familjarët e tyre…
Aldo: Fëmijët.
Anxhela Lami: Jo fëmijët, por familjarët, pjesa tjetër e familjes vazhdimisht tregohen paragjykues në kuptimin që “jeta jote është një jetë drejt përfundimit dhe nuk keni të drejtë të bëni këtë gjë, të shkatërroni familjen”. Por në momentin që këto çifte nuk jetojnë bashkë, nuk zgjedhin të jenë bashkë as ligjërisht.
/a.r
