Nga Flogert Muça
“Kemi informuar Gjykatën Kushtetuese dhe Parlamentin se përkthimi i Kushtetutës së re dhe Vettingut ka gabime të mëdha. I kemi kërkuar Gjykatës Kushtetuese të ripërsërisë kërkesën ndaj Komisionit të Venecias. Do informojmë zyrtarisht edhe Komisionin e Venecias për këtë problem”
Kështu mësohet nga mediat se është shprehur Basha në mbledhjen e Grupit Parlamentar, mbajtur sot në selinë blu. Që do të thotë me fjalë të tjera të tallësh bythën me shqiptarët dhe me punën e bërë gjatë gjithë tranzicionit për anëtarësimin në Bashkimin Europian.
Partia Demokratike sot ka kapërcyer kufinjtë duke dëshmuar edhe njëherë se jo vetëm që Gjykatën Kushtetuese e ka ”në xhep”, por dhe duke i shpallur publikisht armiq të saj të gjithë partnerët tanë ndërkombëtarë. Duke filluar nga SHBA, Gjermania e gjithë BE-ja që nga i pari të i fundit janë angazhuar në këtë proces delikat. E në momentin kur çelja e negociatave varet vetëm nga zhbllokimi i ligjit të Vettingut, Basha gjen sërisht pretekst për ta bllokuar atë.
Me argumentin e sotëm Basha tregon qartë se nuk është siç ka thënë ai dhe deputeti i paautorizuar nga Bundestagu gjerman se ” Droga dhe zgjedhjet e lira janë kushte për çeljen e negociatave”. Lëvizja e Bashës sot ka konfirmuar se dhe ai vetë e di mirë se kushti i vetëm është Vettingu, siç e tha Kancelarja Merkel, Komisioneri Hahn, KE-ja, Fleckenstein. I vetmi argument tjetër që Basha nuk e ka trumbetuar e manifestuar hapur por që nën zë i ka fryrë zjarrit është problemi i ”Himarës” më grekët, ku për herë të parë Shqipëria po vepron si shtet sovran e jo duke bërë qoka me falje deti.
Tallja që Basha dhe PD po i bëjnë shqiptarëve me pretekstin e ”përkthimit” të Vettingut nuk është gjë tjetër veçse gjest antikombëtar (që e ka treguar dhe si ministër i Jashtëm kur i fali detin Greqisë) dhe natyrisht, mbrojtje e të tijëve në gjyqësor, që eventualisht është mbrojtje e vetëvetes dhe dyzinës së tij që dje ka qeverisur vendin.
Shpallja e BE-së armike duke ju thënë në Facebook se ”duam integrimin e vendit’‘ e duke vepruar kundër kësaj rruge, është në fakt një strategji që ka mbi një vit e gjys që manifestohet duke patur si qëllim vetëm bllokimin. I vetmi që nuk është shprehur mbi çka tha Merkel e BE-ja, është doktori, i cil po luan siç di vetëm ai, kundër interesave të vendit, për një qëllim fare të thjeshtë, mbrojtjen e interesave e tij./Lexo.al
