Marrëdhëniet e shtetit dhe të Kishës Ortodokse janë të mira dhe është mirë që ato të kultivohen, janë pajtuar kryeministri serb Aleksandar Vuçiç dhe patriarku Irinej gjatë takimit në Patrikanë.
Patriarku, pas takimit ka thënë se është i kënaqur me marrëdhëniet e Kishës e të shteti dhe, ka shtuar, se kisha dhe shteti, bashkë, bëjnë një simfoni të veçantë
Vuçiç ka theksuar se shteti është falënderues sidomos ndaj KOS-it, Kishës Ortodokse Serbe, sepse, siç ka saktësuar ai, raporton B92, “atje ku ka kishë e s’ka shtet serb, populli ynë mbetet falë pranisë së kishës”, transmeton Koha.
“Pak kush do të kishte mbetur në Likë, Bani, Kordun, në pjesët tjera të Kroacisë sikur të mos ishte Kisha. Ngjashëm është edhe me Kosovën ku populli ynë ka qëndruar kudo ku kemi kisha dhe e manastire.
Në vendet tjera është e vështirë të mbetemi. Gjendje e tillë është edhe në diasporë, kudo ku kemi KOS, ajo e bashkon popullin tonë”, ka thënë Vuçiç. Kreu i Qeverisë serbe dhe kreu i Kishës serbe kanë folur edhe rreth dënimit të Radovan Karaxhiqiç shqiptuar dje