Nga 1 maji Greqia do të heqë detyrimin për paraqitjen e certifikatës së vaksinimit kundër Covid-19.
Gjithashtu nuk do kërkohet pasaporta e Covid në pikat kufitare të vendit.
Megjithatë mbajtja e maskës në ambientet e brendshme dhe në ambientet e jashtme me grumbullim mbetet ende në fuqi.
Masa për përdorimin e maskave do të rishikohet më 31 maj, sipas njoftimit të zëvendës ministres së shëndetësisë Mina Gaga.
Në mbledhjen e djeshme Komisioni i Ekspertëve të Ministrisë së Shëndetësisë në Greqi rekomandoi:
Pezullimi i certifikatës së Covid nga 1 maji.
– Pezullimi i certifikatës së Covid nga pikat hyrëse në vend
– 1 test i shpejtë në javë (nga dy deri tani) te punëtorët e pavaksinuar, me përjashtim të spitaleve ku mbeten 2 testet e shpejta në javë për punëtorët e pavaksinuar.
Sqarohet se kjo vlen për ata punonjës që janë përjashtuar nga vaksinimi dhe shoqëruesit e pacientëve.
– 1 test i shpejtë (nga 2 që ishin deri më tani) për mësuesit dhe pedagogët e pavaksinuar .
Qeveria greke do të rishqyrtojë sërish situatën sërish për të vendosur nëse do ti lehtësoje ose shtrëngojë masat kundër Covid-19.
/b.h
