Mazhoranca nuk e përjashton mundësinë që të jetë bashkëpronare në kazinotë dhe resort kazinotë.
Deputeti i ekonomisë, Ervin Bushati, në një intervistë për TemA TV u shpreh se po studiohen modelet më të mira evropiane.
Pas miratimit të ligjit për mbylljen e lojërave të fatit dhe basteve sportive, mazhoranca por diskuton mundësinë që të marrë pjesë si bashkëpronare në kazinotë në hotelet me 5 yje dhe resort kazinotë.
“Kam dëgjuar edhe kolegët dhe pse jo edhe nga administrata që në të ardhmen të rishikohet që edhe shtetit të jetë pjesëmarrës. Kemi shumë modele që është monopol i shtetit, ku ka shumë përqindje për shembull në Itali, në Gjermani apo dhe në Francë”, shprehet Ervin Bushati.
Sipas Bushatit, për këtë po studiohen praktikat më të mira europiane:
“Ne vendosëm një standard bazuar ne modelin gjerman dhe francez ku shteti merr me shume përgjegjësi. Është më shumë në kontroll dhe është një standard pa kthim.
Në qoftë se edhe nesër për ti paraprirë një ndryshimi në mentalitet dhe në qeverisje, ndryshimi nuk mund të bëhet vetëm me një VKM”.
Deputeti i komisionit të ekonomisë u shpreh se qeveria do të dekurajojë sa më shumë zhvillimin e lojërave të fatit dhe basteve dhe do të lejohet dhe do të kontrollohet rreptësisht kazinotë dhe rezort kazinotë si lojëra luksi për të pasurit
“Ne do përpiqemi që të dekurajojmë dhe të ulim sa më shumë aktivitetin e këtyre. Ato do të zhvillohen vetëm në zonat turistike”, tha Bushati.
Në lidhje me ankesat e të prekurve me miratimin e këtij ligji se nuk iu la shumë kohë në dispozicion, Bushati u shpreh se ligji i par për postimin e tyre ka tre vite që është miratuar por nuk është zbatuar nga këto biznese.
a.ç
