Flamur Noka dhe deputetët e tjerë të “Rithemelimit” nuk lejuan sot mbajtejen e mbledhjes së Komisionit për Reformën Zgjedhore.
Ata tentuan me forcë të hynin në sallë dhe pasi çanë kordonin e Gardës, bllokuan sallën duke mos lejuar mazhorancën tëh ynte brenda. Ndër ata që u përplasen me Gardën janë Gazment Bardhi, Flamur Noka, Saimir Korreshi, Luan Boçi apo Albana Vokshi.
Në hyrje të sallës disa gra qëndronin tek dera, për mos t’i lejuar deputetët të futen brenda. Për këtë, Flamur Noka tha se janë sjellë qëllimisht, teksa iu drejtua atyre tha se është turp që mbështetin qeverinë.
Flamur Noka: “Këtu është kthyer republika e Gardës. Po gocat pse i kanë sjellë tani, per të na futur në telashe, në sherr?”
Gazmend Bardhi: “Se i dhunuan gratë dje”.
Vokshi: “Pasi na i thyen këmbët dje, tani i kanë nxjerrë gratë.”
Flamur Noka: “Turp, pse shtet është ky? Shtet horrash, mbroni shtetin e horrave. Ju kanë lënë pa bukë, as rrogat nuk jua rritin dhe rrini luftoni për ta, shtetin e hajdutëve. Këta vjedhin. Jeni institucion shtetëror për t’i shërbyer ligjit dhe shtetit , jo bandës dhe horrave dhe hajdutëve. T’ju vijë trup.”/m.j
