Mbi 90 % e midhjeve në Liqenin e Butrintit kanë ngordhur si pasojë e temperaturave të larta në ujërat detarë që rrethojnë Lagunën e Butrintit. Ministri i Bujqësisë Edmond Panariti e quajti këtë situatë një fatkeqësi natyrore dhe mjaft alarmante për kultivuesit e midhjes. Në një takim që pati me ta në Butrint, ministri tha se për këtë vit nuk do të ketë midhje për konsumatorët. Sipas tij, vetëm 5 % e prodhimit është i gatshëm për konsum vitin e ardhshëm.
Panariti ka premtuar dëmshpërblim për kultivuesit e midhjes, fond ky që do të lëvrohet nga Fondi i Emergjencës. Në shtator, tha Panariti do të bëhen konsulenca me grupet e interesit për të diskutuar që këto fenomene të mos ndodhin më.
Aktualisht derdhja e ujërave të ftohta të lumit Bistrice në liqenin e Butrinit është në nivele maksimale për të shpëtuar midhjet e mbetura.
