Një zjarr me përmasa të mëdha përfshiu një apartament në zonën e Fushë Krujës, duke rrezikuar të zotët e shtëpisë.
Zjarri ra në katin e dytë të një pallati në lagjen “Punëtori”, në orët e para të kësaj të hëne.
Të zotët e shtëpisë, një çift i moshuar u bllokuan mes flakëve, por ishin fqinjët ata që i shpëtuan.
Bilbil Hoxha dhe Vojsava Hoxha ishin në gjumë dhe nuk kishin ndjerë gjë, por u shpëtuan pasi fqinjët të cilët kur panë tym dhe flakë, e shpërthyen derën me forcë.
Fatmirësisht çifti i të moshuarve shpëtuan shëndoshë e mirë. Paraprakisht dyshohet se shkak për zjarrin mund të jetë bërë ndonjë shkëndijë elektrike, ose ndonjë rezistencë që çifti mund të ketë ndezur për tu ngrohur.
Mësohet se flakët e zjarrit u vunë nën kontroll nga shërbimi zjarrfikës, ndërkohë që lidhur me këtë rast hetimet janë në vijim.
/a.r
