Sekretarja e shtypit e Shtëpisë së Bardhë, Sarah Sanders ka deklaruar se presidenti Donald Trump nuk ka bërë asnjë shkelje dhe nuk ka akuza kundër tij, duke hedhur poshtë si “akuzë qesharake” idenë se Trump do të gënjejë publikun në lidhje me rryshfetin që ka paguar.
“Siç ka thënë Presidenti dhe kemi deklaruar shumë herë, ai nuk ka bërë asgjë të keqe. Nuk ka akuza kundër tij dhe ne kemi komentuar mbi ketë gjerësisht,” tha Sanders.
“Vetëm për shkak se Michael Cohen bëri një marrëveshje mbi pranimin e fajësisë, kjo gjë nuk do të thotë se presidenti implikohet”, shtoi ajo, shkruan javanews
Sanders nuk pranoi tu përgjigjej pyetjeve shtesë rreth asaj që Presidenti dinte për pagesat dhe kur e dinte.
E pyetur nëse Presidenti ka gënjyer popullin amerikan, Sanders e quajti akuzën “qesharake”.
“Unë mendoj se kjo është një akuzë qesharake. Presidenti, në këtë çështje, nuk ka bërë asgjë të keqe dhe nuk ka pasur akuza kundër tij”, tha ajo, shkruan javanews
Javanews/a.ç
