Shtëpia e Bardhë i pezulloi kredencialet korrespondentit kryesor të CNN-it, disa orë pas një debati gjaknxehtë midis tij dhe presidentit amerikan, Donald Trump.
Një punonjëse e Shtëpisë së Bardhë u përpoq t’ia merrte mikrofonin gazetarit Jim Acosta në një konferencë për media të mëkurën, por ai insistoi me pyetjet e tij.
Zëdhënësja e Shtëpisë së Bardhë, Sarah Sanders, tha më pas se qasja e gazetarit është ndaluar pasi “ai ka vënë duart mbi një grua të re”.
Acosta tha se pretendimet e Sandersit janë “gënjeshtra”.
Në konferencën për media, presidenti Trump tha se gazetari i CNN-it “është një person i pasjellshëm dhe i tmerrshëm”.
JavaNews.al sjell debatin e plotë të zbardhur:
Acosta: A mendoni se i keni demonizuar emigrantët?
Trump: Jo, unë dua që ata të vijnë. Por ata duhet të vijnë ligjërisht. Përmes një procesi. Dua që të ketë një proces. Dhe dua që njerëzit të vijnë. Dhe ne kemi nevojë për njerëzit. Prit, prit. Ti e di pse kemi nevojë për njerëzit? Sepse kemi qindra kompani që hyjnë këtu, pra kemi nevojë për ata.
Acosta: Fushata juaj pati një reklamë që tregon emigrantët që ngjiten mbi mure dhe kështu me radhë…
Trump: Kjo është e vërtetë. Ata nuk ishin aktorë. Është e vërtetë. A mendoni se ata ishin aktorë? Ata nuk erdhën nga Hollywood-i. Këta ishin njerëz, pra ishte një fakt që ndodhi pak ditë më parë…
Acosta: Ata janë qindra kilometra larg. Pra nuk është pushim.
Trump: Sinqerisht unë mendoj se ju duhet të më lejoni të drejtoj vendin. Ju të drejtoni CNN-in. Dhe nëse e bëni mirë, vlerësimet e tua do të jenë shumë më të larta.
Acosta: Nëse mund të bëj një pyetje tjetër
Trump: Kjo mjafton.
Acosta: Ju flisni, të tjerët pyesin. Pra më falni…
Një vajzë u afrua që t’i merrte mikofronin Acostës…
Acosta: Nëse mund të pyes për hetimin rus. A jeni i shqetësuar që mund të keni…
Trump: Nuk jam i shqetësuar për ndonjë gjë që ka të bëjë me hetimin rus sepse është një mashtrim. Kjo është e mjaftueshme, hiqeni mikrofonin.
Acosta: Z.President
Trump: Unë ju them se çfarë, CNN duhet të ketë turp për veten përderisa ju punoni për ta. Ju jeni i pasjellshëm, i tmerrshëm. Ju nuk mund të punoni për CNN. Shikoni përpara. Ju jeni një person shumë i vrazhdë, mënyra se si ju e trajtoni Sarah Huckabee Sanders është e tmerrshme. Mënyra se si i trajtoni njerëzit e tjerë është e tmerrshme. Ju nuk duhet t’i trajtoni njerëzit në këtë mënyrë.
Pas kësaj, Trump thirri një tjetër gazetar, Peter Alexander
Alexander: Në mbrojtjen e Jim –it kam udhëtuar me të dhe e kam parë atë, ai është një gazetar i zellshëm
Trump: Unë nuk jam një tifoz i madh i juaji, të jem i sinqertë…ti nuk je më i miri. Vetëm ulu, të lutem. Kur raportoni lajme të rreme-jo. Kur raportoni lajme të rreme, që CNN bën shumë, ju jeni armiku njerëzve.
a.ç
