Nga Joshua Reynolds tek Lucian Freud, biznesi vazhdon të jetë i suksesshëm pas miliona zhurmave të çekiçit që kanë rënë ndër shekuj, pasi shtëpia e ankandeve Christie’s kremton 250 vjetorin e krijimit.
3 janë pikat më të rëndësishme ndër vite që konsiderohen punët më të mëdha të saj, “Ib and her Husband” një portret i vitit 1992 i bërë nga Freudi për vajzën e tij shtatzënë dhe partnerin të saj. Piktura është vlerësuar 26.24 milionë dollarë.
Më pas është piktura e vitit 1778 e Reynoldsit “Portrait of Lucy Long, Mrs George Hardinge”, e cila kurrë më parë nuk ishte shfaqur publikisht dhe është përshkruar si një nga punët më të mira të artistit dhe të mbarë brezit të tij.
E ndërsa Christie’s thotë se piktura është në kushte të mira, ky portret është vlerësuar 4-5 milionë dollarë, transmeton KTV.
Puna e tretë më e arrirë është “Golden Hours” e vitit 1864 e Frederic, Lordit të Leighton, e cila del në ankand për herë të parë në më shumë se 100 vjet dhe vlerësohet mes 6-8 milionë dollarë.
“Të gjitha këto piktura janë unike në llojin e tyre. Mendoj se nga cilësia teknike por edhe bukuria e tyre, këto piktura janë unike për periudhën përgjatë së cilës janë krijuar” thotë Orlando Rock, drejtor i Christie’s për Britaninë e Madhe.
Këto punime do të dalin në ankand nga shtëpia e ankandeve Christie’s në Nju Jork dhe Hong Kong muajin e ardhshëm. (B.an)