Gjykata e Tiranës ka caktuar sot masat e sigurisë për 6 të arrestuarit mes të cilëve 2 punonjës të OSHEE, për “shtëpinë e barit” të zbuluar në zonën “Kashar 2.
Të arrestuarit në kushtet e flagrancës janë Xhevrije Sulaj, Shqipe Sulaj, Luan Sulaj, Ylli Sulaj, Lutfi Basha faturist, Rifat Kuçi me detyrë elektricist pranë OSHEE, dhe u procedua penalisht shtetasi Z. V, kryeplaku i fshatit, për moskallëzim krimi.
Vetëm për Ylli Sulajn është dhënë masa e sigurisë “arrest me burg”, ndërsa për Shqipe Sulaj u vendos “detyrim paraqitje” dhe për Xhevrie Sulaj u vendos “arrest shtëpie”. Ndërsa Luan Sulaj, Lufti Basha dhe Rifat Kuci janë lënë të lirë pasi është vlerësuar i paligjshëm arrestimi i tyre në flagrancë.
Këta persona në bashkëpunim me njëri-tjetrin, në zonën e Kasharit kishin përshtatur katin e dytë dhe të tretë të një vile një banesë të tillë, për të kultivuar bimë narkotike kanabis sativa. Banesa rezulton në pronësi të Xhevrie Sulajt.
Ylli Sulaj ishte ai i cili mori përsipër fajin duke u shprehur se as nëna dhe as motra e tij nuk e dinin se ai po kultivonte lëndë narkotike në banesë. Po ashtu, është zbuluar se në momentin që Sula dyshoi se po zbulohej nga policia i shkroi Luan Sulës: Alo, po pikon çatia.
Ylli ka marrë përsipër akuzat për kultivim të bimëve narkotike në banesën që rezulton në emrin e nënës së tij, Xhevrie Sulaj, duke kërkuar lirimin nga akuzat të kësaj të fundit, të motrës Shqipe Sulaj dhe të kushëririt të parë Luan Sulaj.
Prokuroria kërkon arrest me burg për katër anëtarët e familjes Sulaj ndërsa detyrim paraqitje për dy punonjësit e OSHEE.
g.kosovari
