Komediania shqiptare ka marrë kritika të panumërta në rrjetet sociale.
Në përpjekje për të dalë fituese në spektaklin “Das Super Talent, shqiptarja Alkeda Paskali është kthyer në një nga personat më antipatikë për publikun gjerman. Sipas mediave gjermane, ajo ka fyer të gjithë shqiptarët dhe për më tepër është shprehur me shprehje raciste, duke marrë vlerësim negativ nga ana e jurisë.
48-vjeçarja e lindur në Shqipëri, por banuese në Ludwigsburg, në stand up-in e saj thotë se është nga Shqipëria dhe se shqiptarët njihen si shpërndarës droge dhe trafikantë të qenieve njerëzore.
“Sigurisht, ka edhe shqiptarë që nuk janë shpërndarës, por që punojnë dhe bashkëpunojnë me ta”, ka thënë ajo gjatë performancës.
Paskali nuk arriti të merrte asnjë pikë nga ana e jurisë, por përpos kësaj ajo është kthyer në objekt fyerjeje dhe kritikash të shumta në rrjetet sociale. Syri.net shkruan se shqiptarët në forume të ndryshme kanë kritikuar kandidaten shqiptare, por edhe televizionin gjerman RTL./anabel/a.k
