Një ngjarje e rëndë kriminale ka ndodhur në Itali ku një shqiptar vrau me thikë ish-bashkëshorten e tij hungareze. Ngjarja e rëndë ndodhi në komunën e Casales.
Autori i krimit është shtetasi Kujtim Hasanaj 49-vjeçar, i cili u arrestua menjëherë pas krimit nga forcat karabiniere.
Ngjarja e rëndë ndodhi pasditen e sotme, ku Hasanaj qëlloi me thikën e kushinës ish-bashkëshorten e tij Elena Seprodi pas një zënke mes tyre.
Viktima është me kombësi hungareze.
Vrasja u krye në një ndërtesë dy katëshe në hyrje të qytetit.. Të parët që ndërhynë ishin disa oficerë të policisë komunale të cilët po shkonin drejt Mbrojtjes Civile, por që në një moment dëgjuan të qarat dhe britmat e gruas. Më tej u njoftuan edhe policia, por gruaja tashmë ishte e pajetë.
Forcat kaarabiniere e gjetën gruan të vrarë në dysheme ndërsa pranë trupit të pajetë të saj dhe gjakut që kishte vërshuar, qëndronte ish-bashkëshorti shqiptar me thikën në duart e gjakosura.
Sipas informacioneve të para jo zyrtare që citojnë mediat italiane, motivet e këtij krimi të rëndë mes ish-bashkëshortëve që kanë një fëmijë bashkë, janë për xhelozi dhe si probleme me gjendjen ekonomike. Mediat e shtetit fqinj flasin për dyshimet që kishte shqiptari për tradhti nga ana e hungarezes./a.m.
