Një shqiptar i akuzuar se ka vjedhur informacion nga mijëra karta krediti është shpallur i pafajshëm nga një gjykatë federale në Brooklyn, SHBA. Ai është Xhevahir Ametvski, 29 vjeç, shqiptar nga Maqedonia që bashkëpunonte me hakera për të vjedhur të dhëna nga mbi 181 mijë karta krediti.
Më pas ai i shiti këto përmes një faqeje të sofistikuar në internet të quajtur “Codeshop.su”, bëjnë të ditur autoritetet amerikane. Blerësit e informacionit të vjedhur, përdornin këto të dhëna për blerje online si dhe për tërheqje parash cash nga bankomati duke i future këto të dhëna në karta pa të dhëna.
Në të dhënat e vjedhura përfshiheshin dhe informacione personale si adresë postare elektronike, adresë banesë, numër telefoni si dhe emër mbiemër.
Në maj, Ametovski u ekstradua në SHBA nga Sllovenia, ku u arrestua në vitin 2014, shkruan panorama. Në botën online ai njihej si “xhevo”, “codeshop,” “sindrom,” dhe “sindromx”. Gjatë daljes para gjykatës shqipfolësi e cilësoi veten si të pafajshëm përmes avokatit të tij. Ndaj tij rëndon akuza e vjedhjes së agravuar të identitetit, mashtrim dhe vjedhje.
