Një shqiptar i arrestuar në nëntor të vitit të shkuar, u dënua me tre vite burg e gjysmë në Britani. Eduard Duli, 26-vjeç, u kap nga policia me drogë në afërsi të Eaglesfield, teksa po transportonte 3 kg kokainë me vlerë 240 mijë paund.
Gjykata e Lartë në Edinburg, ka vendosur që pas kryerjes së dënimit, shqiptari të depërtohet në Shqipëri.
Ai kishte hyrë në Mbretërinë e Bashkuar ilegalisht rreth 1 muaj përpara se të kapej duke transportuar sasinë e drogës.
Sipas BBC-së, Duli u kap me një automjet tip Mercedes, duke udhëtuar në Skocinë Jugore, duke pretenduar se ishte shtetas italian, i quajtur Domenico Vinci, 28-vjeçar. Ai kishte dokumente të falsifikuara.
Në momentin e arrestimit, atij ju gjetën edhe 2 mijë paund. Lënda narkotike ishte fshehur në një çantë pranë baterisë së automjetit. Shqiptari ka pranuar akuzën përpara organeve të drejtësisë, duke theksuar se droga ishte e tij.
/Ora News/
