Policia italiane ka arrestuar një 32-vjeçar shqiptar, për shpërndarje të lëndëve narkotike. I riu u arrestua në Milano, ndërsa po lëvizte me makinë në rrugën “Di Vittorio a Peschiera Booromeo”.
Brenda makinës, policët gjetën 1 kg heroinë. Lënda ndarkotike ishte e ndarë në dy pako, secila nga 500 gr dhe ishte fshehur në kroskotin e makinës.
Menjëherë shqiptarit iu vunë prangat dhe u dërgua në qeli. Droga u sekuestrua nga policia, e cila po punon për të zbuluar personin, të cilit do t’ja dërgonte shqiptari.
Ky i fundit ishte i njohur nga policia penale, pasi kishte precedentë penalë të mëparshëm.
g.kosovari
