Një 36-vjeçar shqiptar është ndalur në Austri pasi u kap me 12 kilogramë kokainë. Sasia e lëndës narkotike u zbulua e fshehur në makinën ku ai udhëtonte. Droga kishte një vlerë prej 1.2 milionë eurosh nëse do të dilte në treg. Policia thotë se kjo është një nga sasitë më të mëdha të sekuestruara nga ta.
Pas ngjarjes shqiptarit iu vunë prangat. Identiteti i tij nuk është bërë ende publik. Mediat shkruajnë se deri më tani dihet që ai jeton në Itali dhe synonte të lëvizte përmes Tyrol-it (shtet në Alpe në Austri) me një makinë me targa gjermane. Kjo ishte edhe arsyeja pse u ndalua fillimisht nga autoritetet.
Siç shkruajnë mediat, ai ishte kontradiktor në deklarata bazuar në të dhënat që dha për destinacionin e udhëtimit dhe qëllimin pse ishte nisur. Pas konsultimit me kolegët gjermanë, u shtuan dyshimet se në fakt bëhej fjalë për një udhëtim me qëllimi trafiku.
Deri më tani 36-vjeçari ka kyçur gojën para hetuesve, teksa ata përpiqen të zbulojnë bashkëpunëtorët e tij.
