Vrasja e shqiptarit Ilir Hidri në Ekuador është akoma nën hetime si nga policia e vendit ku ka ndodhur vrasja, ashtu edhe prokuroria në Shqipëri, për të zbuluar autorët si dhe shkaqet e motivet e vrasjes.
Vetëm një ditë pas ngjarjes së rëndë, në redaksinë e Albeu.com erdhi një dëshmi nga një qytetar shqiptar që jetonte në Ekuador I cili rrëfeu për vrasjen e Ilir Hidrit, ku sipas tij shqiptari u vra gjatë një grabitje.
Gjithashtu mediat në ekuador shkruajnë se shqiptari i vrarë dyshohet se ishte pjesë e një rrjeti të trafikut të drogës.
Por që pas arrestimit në Spanjë, dyshohet se ai ka pranuar të bashkëpuanojë me DEA-n amerikane, e cila në bashkëpunim me autoritetet spanjolle po heton një rrjet të fuqishëm të kokainës nga Ekuadori në Spanjë dhe më pas në Europë.
Ky është edhe shkaku që dyshohet se është ekzekutuar, për shkak të bashkëpunimit të tij me DEA-n dhe autoritet e policisë sopanjolle.
Pas këtyre lajmeve kanë reaguar familjarët e të ndjerit të cilët shprehën të revoltuar ndaj informacioneve që kanë ardhur për vrasjen e Ilir Hidrit. Ato mohojnë kategorikisht dënimin e tij në Spanjë, duke i cilësuar trillime.
Reagimi i familjarëve
“Pershendetje. Shume te indinjuar nga lajmet krejtesisht te paverteta ne emer te familjes Hidri se pjestari i familjes tone Ilir Hidri nuk ka qene i lidhur me rrjetet e trafikut te lendeve narkotike aq me teper i infiltruari i policise apo te kete lidhje me DEA amerikane.
Ne si familjare pergenjeshtrojme cdo lajm te rreme qe qarkullojne keto dite neper media dhe rrjete sociale qe me papergjegjshmerine e tyre na prekin edhe me shume ne keto momente te veshtira qe ne po perjetojme humbjen e tij.
Deklarojme se nuk ka qene kurre i denuar ne Spanje. Cdo dite lexojme nga nje lajm te ri dhe te pavertete. Kjo qe sa po thame eshte e vetmja e vertete”- shkruajnë për albeu.com familjarët e viktimës.
a.ç
