Një adoleshent shqiptar është zhdukur pa gjurmë që prej datës 20 gusht.
Policia britanika ka shprehur shqetësim për largimin e shqiptarit.
Policia ka bërë publik emrin dhe foton e tij si dhe të dhënat, kur është larguar.
Daniel Gjinaj, shqiptaru 17 vjeçar u pa për herë të fundit pasditen e së enjtes, më 20 gusht, duke lënë një adresë në Worthing.
Ai thuhet se ka udhëtuar me tren për në Brighton, dhe mendohet se mund të jetë akoma në atë zonë, por nuk ka shkuar në destinacionin ku edhe ka thënë se do të shkonte.
Danieli përshkruhet me strukturë të hollë dhe me flokë të zinj të rruara.
Kur u pa për herë të fundit, ai kishte veshur tuta blu dhe bluzë të bardhë, shkruajnë mediat vendase.
Policia përmes mediave britanike bëri thirrje që kushdo di vendndodhjen e tij të kontaktojë autoritetet britanike.
/a.r
