Shqiptari me dy mbiemra që u kap në Vlorë, drejtonte një bandë droge në Itali

Pak ditë më parë është bërë i ditur arrestimi i Irfan Ymerajt në Vlorë, i cili ishte i shpallur në kërkim ndërkombëtarë.

Policia bën të ditur se 35-vjeçari, pritet të ekstradohet në Itali, ku është dënuar në 2015 me 20 vite burg për pjesëmarrje në grup kriminal dhe trafikim të lëndëve narkotike.

Arrestimi i tij është bërë i mundur nga policia shqiptare në bazë të informacioneve të sigluara nga policia italiane në bashkëpunim me Interpolin, tha një efektiv i policisë italiane.

Si njihet Irfan Ymeraj?

Shqipatari akuzohet si kreu i një i një organizate kriminale në Itali, që furnizonte me drogë katër province si : Piacenza, Novara, Alessandria e Pavia. Irfan Ymeraj ishte I shpallur  në kërkim prej gushtit 2015, shkruan media italiane.

Hetimet në Itali ndaj bandës nisën në vitin 2014 dhe që prej asaj kohe 7 persona ranë në  pranga dhe u ështe sekuestruar sasi e konsiderueshme droge (kokaine dhe marijuhane) dhe parash.

Ndërsa ia arrestuari i tetë dhe i fundit është Ymeraj, i cili përdorte dhe mbiemrin Yherej për kamuflim.

Hetuesit u vunë në gjurmët e grupit pas shkatërrimit të bandës famëkeqe në Itali: “Banda del Grimaldello”. Ishte pikërisht grupi i udhëhequr nga 35-vjeçari vlonjat që furnizonte me drogë bandën që merrej me grabitje e vjedhje, të shkatërruar në vitin 2014./a.ç