Një person në qytetin e Ferizaj në Kosovë është arrestuar nga policia pasi dyshohet se përdori 740 euro të falsifikuara për të blerë produkte ushqimore në një dyqan.
Ajo që e bën më të veçantë këtë arrestim është fakti se personi në fjalë i kishte të gjitha paratë e falsifikuara, monedha prej 2 euro.
Policia ka sekuestruar monedhat e falsifikuara, ndërkohë që për 41-vjeçarin vijon hetimi në gjendje të lirë.
“Me datën 07.05.2023 rreth 15:00 Policia Rajonale e Ferizajt ka pranuar një informacion se në rrugën magjistrale Ferizaj-Prishtinë tek një qendër tregtare në Ferizaj, një person i dyshuar aty kishte blerë produkte ushqimore në vlerë rreth 740 euro, të gjitha monedha nga dy (2) euro të dyshuara si të falsifikuara dhe ishte larguar”, thuhet në njoftim.
/s.f
