Një shqiptar që vuante dënimin për trafik droge është arratisur nga burgu grek në Kassandra. Lajmin e raportojnë mediat greke, por pa cituar emrin e shqiptarit të arratisur. Sipas tyre, ai ishte në shërbimin e punës e saktësisht të punës bujqësore gjatë kohës që kishte vendosur të finalizonte arratinë e tij.
“Ai u tha rojeve se do të shkonte pak në tualet dhe më pas ishte larguar pa lënë gjurmë..”-shkruajnë mediat greke.
Mediat sqarojnë se këto janë burgje që funksionojnë me skemën e punës dhe me liri disa ditore për të dënuarit, me premtimin dhe garancinë se ata do të rikthehen sërish. Por kjo nuk ndodhi më shqiptarin, i cili tani është në kërkim.
ma.me
