Arratiset një i burgosur shqiptar nga Burgu Bujqësor Tirintha në rajonin e Argolis në Greqi. Sipas mediave fqinje, i arratisuri është një shtetas rreth 35-vjeçar por ende nuk jepen të dhëna për identitetin e tij. Ai u arratis teksa punonte në fermën e burgut.
Në një moment pakujdesie të rojave, ai i ka shmangur ata dhe ka dalë jashtë rrethimit të fermës së burgut. Ai është larguar në këmbë në drejtim të paditur ndërkohë policia greke ka nisur kontrollet në zonë.
Policia ka shpërndarë fotot e tij në zonë. Bëhet fjalë për një person rreth 1.75 m të gjatë. Në momentin e arratisjes ai kishte veshur pantallona blu dhe një bluzë të zezë. Ende nuk jepen të dhëna për arsyen e dënimit të shtetasit shqiptar. Ai punonte në fermën e burgut si bujk për të ulur dënimin./a.m.
