Pas informacioneve të marra në rrugë hetimore se në autostradën A / 1 në zonën e Arezzo-s do të kalonte një sasi kokaine policia italiane ka vënë postbllok për ndalimin e automjeteve të dyshimta.
E vetmja gjë që ata nuk e dinin, ishte makina në dispozicion të trafikut të kokainës, dhe prandaj karabinierët u vunë në kërkim.
Më shumë se 13.000 automjete kanë kaluar në të dyja drejtimet, dhe mes shumë kontrolleve të bëra “Mazda” e një shqiptari ka tërhequr më së shumti vëmendjen.
Si përfundim në pranga ka përfunduar një 26 vjeçar shqiptar, i cili udhëtonte me këtë makinë në drejtim të Romës.
Ai kishte fshehur në pjesën kroskotit të mjetit rreth 1 kg kokainë të pastër, të mbështjellë me letër celofon, në të cilën ishte riprodhuar vizatimi i një peshku, e njëjta “pikturë” e gjetur në një ngarkesë tjetër të drogës të konfiskuar gjatë ditëve të fundit në Emilia Romagna.
Shqiptari po transportonte kokainë të pastër, e cila do të kishte dhënë rreth 65,000 euro.
a.ç
