Kryetari i grupit parlamentar të LSI, Petrit Vasili ironizoi sot Eurobarometrin e BE-së që publikoi rezultatet e një ankete ku i nxorri shqiptarët të kënaqur me situatën ekonomike në vend.
Sipas Eurobarometrit, një studim i mbështetur nga Komisioni Europian, 55% e shqiptarëve janë të kënaqur dhe optimiste me gjendjen ekonomike të vendit.
POSTIMI I PETRIT VASILIT
Eurobarometri na tregon se shqiptaret na qenkan shumë të lumtur, sepse janë shumë të varfër.
Eurobarometri na thotë edhe që megjithëse janë tre herë e kusur më të varfër se europianet, prapë së prapë shqiptarët qenkan shumë të gëzuar që janë kaq të varfër.
Barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave….
Gallupi na thotë qartë, që shqiptaret duan të ikin në masë nga Shqipëria, por Gallupi përdor zhivë të pastër me sa duket.
a.ç
