Kryeministri Edi Rama po mban një bashkëbisedim online me qytetarë dhe gazetarë, ku po diskutohet për problemet dhe situatën aktuale në vend.
Rama u pyet në lidhje me emigrimin masiv të shqiptarëve drejt Mbretërisë së Bashkuar dhe pamjet që janë bërë virale të të rinjve që shkojnë me gomone drejt ishullit.
Rama tha se me paratë që paguajnë trafikantët, ata mund të investojnë në Shqipëri dhe mund të nxjerrin më shumë fitime se nga një punë e rëndomtë në Britani.
Kryeministri: “ U bëj apel të gjithëve mos ta marrin atë rrugë, sepse do të jetë përherë më e vështirë dhe e dështuar. Shqipëria ofron më shumë mundësi për atë që realisht do dhe shembujt janë të panumërt dhe sidomos në sektorin privat. Të harxhosh 20-30 mijë paund për të paguar trafikant, ku me aq para dhe me mbështetjen e qeverisë aty në shtëpinë tënde në Kukës mund të fitosh më shumë. Nuk kemi një parajsë për t’i ofruar askujt po kemi gjithë dëshirën dhe këmbënguljen për ta bërë vendin më të mirë po për ata që duan të punojnë në këtë vend.
