Dy shqiptarë janë shpallur në kërkim pasi policia greke ka zbuluar një sipërfaqe të mbjellë me kanabis në zonën e Patras.
Në pranga ka rënë një 35-vjeçar grek i cili mësohet se bashkëpunonte me dy shqiptarët, raporton policia greke. Autoritetet fqinje kanë mundur të asgjesojnë 750 fidanë kanabisi, të cilat ishin të mbjella në një zonë malore të vështirë. Fidanët e kanabisit e kishin lartësinë deri në 2,5 metra, dhe drurët pyjorë shërbenin si një mburojë mjaft e mirë.
Tre kultivuesit qëndronin në një kasolle të ndërtuar enkas, me qëllim që ta kishin kanabisin në mbikqyrje ditë e natë, ndërsa me një tubacion me gjatësi 200 metra, merrnin ujë për vaditje nga një burim aty pranë. Vlera e drogës së asgjesuar arrinte 1,1 milion euro, raporton policia.
a.ç
