Sherr i dhunshëm mes shqiptarëve dhe rumunëve në Itali. Mediat lokale raportojnë për një sherr që nisi në mes të natës në qendër të Avezzanos. Dy të rinj, kombësia e të cilëve ende nuk thuhet kanë mbetur të plagosur.
Mjekët e urgjencës raportojnë se krahas trajtimit të të plagosurve u është dashur të përballen edhe me të tjerë të grupeve të përfshira në sherr, që ishin në gjendje të alkoolizuar.
Sherri sipas policisë kishte përfshirë shumë të rinj, të dy grupeve rivale, rumunë e shqiptarë, por nuk bëhen të ditur emra.
Gjithçka nisi rreth orës 01.30 të natës në afërsi të gjykatës. Policia po heton për shkakun dhe përgjegjësit.
