Mediat britanike zbulojnë detaje të reja nga ngjarja që çoi në qeli në Greqi kapitenin e Manchester United, Harry Maguire.
Maguire u përlesh me policët në ishullin e famshëm grek Mykonos, pasi ndërhyri për të mbrojtur motrën e tij. Sipas medieve, një grup shqiptarësh kishin ngacmuar motrën e lojtarit të United, Daisy.
Në momentin që kjo e fundit i kishte refuzuar, mediat britanike shkruajnë se njëri nga shqiptarët e kishte qëlluar me thikë në krah.
Në këtë moment ka ndërhyrë vëllai, pra kapiteni i Manchester United duke u përleshur me shqiptarët dhe policinë që erdhi me shpejtësi.
E ndërsa nuk dihet se cfarë ndodhi me shqiptarët, Harry Maguire u ‘kyç’ në qeli për dy net, teksa u lirua ditën e diel duke lënë garanci pasurore 190 mijë paund, por hetimet vijojnë për sulm ndaj policëve dhe ryshfet ndaj efektivëve.
g.kosovari
