Gjaknxehtë janë treguar dy shqiptarë në Itali. Bëhet fjalë për një 22-vjeçar dhe 23-vjeçar të cilët janë arrestuar për plagosje.
Dy të rinjtë sulmuan dy roje sigurie në një klub nate në Xhenoa. Shqiptarët donin me patjetër të hynin brenda, por u ndaluan për shkak se klubi ishte mbushur plot duke pasur parasysh edhe masat antiCovid.
Por refuzimi nga ana e rojeve të sigurisë nuk është pritur mirë nga shqiptarët dhe ka sjellë inatosjen e tyre. Për pasojë mes tyre ka nisur një sherr dhe dy të rinjtë kanë rrahur rojet e sigurisë.
Fatmirësisht të plagosurit kanë pësuar vetëm disa gërvishtje dhe nuk kanë pasur nevojë për t’u shtruar në spital. Ndërkohë policia ndërhyri menjëherë dhe arrestoi autorët e kësaj ngjarje.
/a.r
