Një i mitur është ndaluar nga forcat ‘Shqiponja’ në Shkodër, pasi u kap me armë zjarri me vete. 17-vjeçari i cili është banues në lagjen ‘Kongresi i Përmetit’ po lëvizte me armë zjarri tip pistoletë dhe me fishekë luftarak.
NJOFTIMI I POLICISË:
Vijojnë kontrollet për kapjen e personave që qarkullojnë me armë zjarri . Policia vë në pranga një 17 vjeçar që qarkullonte me armë zjarri me vete. Sekuestrohet një armë zjarri pistoletë Në vijim të punës për parandalimin, evidentimin dhe goditen e verimtarisë kriminale në fushën e narkotikëve dhe armëmbajtjes pa leje, si rezultat i kontrolleve të shtuara dhe informacionit të marrë në rrugë operative se një i mitur qarkullonte me armë zjarri me vete, nga shërbimet e Forcës së Posaçme Shqiponja u bë kapja dhe arrestimi në flagrancë i shtetasit A. K., 17 vjeç, banues në lagjen “Kongresi i Permetit”, Shkodër. Gjatë kontrollit fizik të ushtruar ndaj tij, shërbimet e Policisë i gjetën në trup një armë zjarri pistoletë me fishekë luftarak. Materialet i kaluan Prokurorisë së Rrethit Gjyqësor Shkodër për veprime të mëtejshme për veprën penale “Armëmbajtja pa leje”
g.kosovari
