Shkodran Mustafi mund të gjobitet nga FA për festimin e golit të tij, pasi mbrojtësi zgjodhi të festojë me shqiponjë.
Mediet angleze kanë shkruar: “Mustafi i vuri dy duart dhe i rrokullisi gishtat, me sa duket në lidhje me shqiponjën me dy kokë, e cila është e pranishme në flamurin kombëtar të Shqipërisë.
Ky festim u bë edhe gjatë Kupës së Botës, kur të dy Granit Xhaka dhe Xherdan Shaqiri bënë gjestin me duart e tyre kur shënuan për Zvicrën kundër Serbisë.
Ky festim bëri që Xhaka dhe Shaqiri të dënoheshin me gjobë nga FIFA dhe pritet që i njëjti ndëshkim të jetë edhe për Mustafin nga FA.”
Mësohet gjithashtu se kundër mbrojtësit të Arsenalit është hapur dhe një çështje në Federatën Angleze dhe vendimi për Mustafin mund të dalë që sot.
