Me mbërritjen e dozave të vaksinës kineze Sinovac në vendin tonë ka nisur procesi i vaksinimit masiv për të moshuarit mbi 70 vjeç.
Në Vlorë kanë mbërritur 6 mijë dozat e para të vaksinës kineze të cilat do të përdoren për të vaksinuar pjesën e grupmoshës për moshat e treta.
Vaksinat do të kryen në pallatin e sportit në Vlorë dhe në qëndrat shëndetësore të lagjeve për të bërë të mundur vaksinimin sa më shpejt të kësaj grupmoshe.
Gjithashtu sot 8 mijë doza vaksine kineze kanë mbërritur dhe në Fier, ku bëhet me dije se do të bëhet i mundur vaksinimi i të personave mbi 70 vjeç.
Sakaq, sot po bëhen 400 doza për të moshuarit e qytetit te Korçës. Ndërkohë që ka vazhduar shpërndarja e dozave në të gjitha qendrat shëndetësore të Njësisë Vendore të Kujdesit Shëndetesor.
Në Korçë janë 19 qendra shëndetësore duke filluar nga qendra më e largët në Lekas deri në Pustec. Prej nesër do të fillojë vaksinimi në të gjitha qendrat shëndetesore, sipas listave të përgatitura nga mjekët e familjes.
Gjithashtu, mëngjesin e sotëm kanë mbërritur 1000 doza të vaksinës ‘Sinovac’ të cilat kanë mbërritur në kushte frigoriferike nga kryeqyteti në Gjirokastër.
Ndonëse të pakta në numër, vaksinat kineze janë shpërndarë në të shtatë bashkitë e Qarkut Gjirokastër me destinacion tek moshat e treta.
Më tej, me dije bëhet se nisur procesi i vaksinimit masiv edhe në Librazhd, ku ishte Drejtuesi Politik i PS për Qarkun e Elbasanit Taulant Balla, i cili gjatë fjalës së tij u shpreh krenar dhe i gëzuar për fillimin e vaksinimit masiv duke treguar se janë 11 mijë vaksina për qarkun e Elbasanit.
Balla iu bëri apel të gjithë personave mbi 70 vjeç që të paraqiten për tu vaksinuar./ b.h
