Eventi më i madh i destinacioneve turistike në botë për vitin 2015, e ka pare Shqipërinë si një nga stendat e preferuara të operatorëve turistikë dhe vetë turistëve të shumtë që janë tërhequr nga ky prezantim madhështor i organizuar nëLondër.
186 vende pjesëmarrëse kanë shpalosur atraksionet e tyre kryesore turistike në stendat shumëngjyrëshe dhe tejet të vizituara të panairit.
Shqipëria, si pjesëmarrëse e rregullt në këto 20 vitet e fundit, e ka rritur përfaqësimin e saj duke e sjellë më të plotë prezantimin turistik përmes operatorëve dhe guidave turistike.
11 operatorët pjesëmarrës në këtë edicion kanë sjellë në vitrinën botërore të turizmit, bukuritë natyrore të Shqipërisë dhe nivelin e lartë turistik që vendi ynë ofron për të gjithë të huajt që tanimë e kanë përfshirë Shqipërinë në axhendat e tyre.
Brandy ‘Go your ow nway’, i lançuar një vit më parë, është konsoliduar dhe identifikuar më së miri nëpërmjet prezantimeve shumë serioze që ka bërë Ministria e Zhvillimit Ekonomik, Turizmit, Tregtisë dhe Sipërmarrjes dhe Agjencia Kombëtare e Turizmit, dhe si rezultat I bashkëpunimit të frytshëm me operatorët turistikë vendas.
Ky panair mbarë botëror, në këtë edicion të 70-të të tij është vizituar nga më shumë se 52 mijë vizitorë dhe mbi 5 mijë subjekte të industrisë së turizmit, ku 97% e blerësve turistikë deklarojnë se kanë gjetur atë që kërkonin. Dhe vetëm në ditën e pare të panairit, u realizuan 100 mijë kontakte të reja mes shitësve dhe blerësve të ofertave të ndryshme turistike.
